مائننگ سی پیک فیز 2 نا اولیتی بشخ ءِ، احسن اقبال

اسلام آباد۔ 17 مئی (اے پی پی) بنجائی وزیر ڈٹ بندی، شونداری، اصلاحات و خصوصی گام گیج و بین الصوبائی رابطہ احسن اقبال پارینے کہ مائننگ، سی پیک فیز 2 انا اولیتی بشخ ءِ۔ داخیال آتا درشانی ءِ او چاغی بلوچستان اٹی کاریم کروک آ آخبتی چینی کانڑ کنی کمپنی (ایم آرڈی ایل سیندک) نا چیئرمین وانگ جک چنگ تون گپ وتران کرساکرے ہرا جمعہ نادے آ داڑے اوڑتون اوڑدہی کرے۔ اوڑدہی ٹی منرل انڈسٹریل پارک انا جوڑ کننگ نا سلاہ غا گپ وتران کننگا۔ بنجائی وزیر چاغی ٹی مائننگ نا بشخ ءِ مون آ دننگ کن چینی کمپنی نا کوشست آتا ستاءِ کرے۔ اوپارے کہ مائننگ سی پیک فیز 2 انا اولیتی بشخ ءِ۔ اوڑدہی ٹی نیشنل پاور گریڈ نا جوڑ کننگ آن چینی کمپنی نا توانائی نا گرج آتے پورو کننگ آ ہم گپ وتران کننگا۔ چینی کمپنی نا کنڈآن تینا تازہ انگا ڈٹ ءِ سی پیک اٹ اوار کننگ نا درخواست کننگا۔ نیشنل پاور گریڈ نا جوڑ کننگ آن صوبہ ٹی مائننگ نا غٹ ڈٹ آتا آپریشنل خڑچ کم مریک۔ کمپنی نا کنڈآن پاننگاکہ بلوچستان اٹی سیندک کاپر گولڈ پروجیکٹ ایم سی سی ٹی ریسورسز ڈیولپمنٹ کمپنی پرائیویٹ لمیٹڈ (ایم آرڈی ایل) نا کمک اٹ چلیفنگک۔ ایم سی سی ٹی پاکستان اٹ اسہ معدنی صنعتی پارک اسے نا جوڑ کننگ نا سلاہ پیش کرے ہراٹی کاپر/لیڈ/زنک ریفائننگ و بھاز پروسیسنگ اوار ءِ، ہراڑآن معدنی مصنوعات آتیٹی پین ویلیو ایڈیشن مریک۔ کانڑ کنی نا پین ڈٹ آتا شونداری اتون داوڑناصنعتی پارک آتا جوڑ کننگ ممکن مریک۔ معدنی صنعتی پارک زرکارآتے دھاتی ریفائنری و پروسیسنگ پلانٹ اٹی زرکاری کن ہم راغب کیک ہرا تار، سلاخ، پلیٹ و ایلو مصنوعات آتے تیار کیک۔ صنعتی پارک انا آسراتی کن بجلی نا فراوانی، دیر انا فراوانی، نقل و حمل و ایلو صنعت آک ہم شون ہلنگ کیرہ۔