اے این ایف نا منشیات اسمگلنگ نا برخلاف کریک ڈاؤن، 133 کلوگرام منشیات دوئی، 4 دوبہ دار دزگیر

راولپنڈی۔ 17 مئی (اے پی پی) اینٹی نارکوٹکس فورس منشیات اسمگلنگ نا برخلاف برجاکریک ڈاؤن اٹی 5 کارروائی تیٹی 133 کلوگرام منشیات دوئی کرسا 4 دوبہ دار آتے دزگیرکرے۔ اے این ایف ہیڈکوارٹر راولپنڈی آن تدوک آ بیست ءُ چار گھنٹہ ٹی کروک آ انسداد منشیات کارروائی تا سرجم ءِ پارسا ترجمان پارے کہ پسنی گوادر آن 65 کلوگرام چرس دوئی کننگا۔ خوشاب آن 36 کلوگرام چرس  و 2.2 کلوگرام افیم دوئی کرسا اِرا دوبہ دار ءِ دزگیرکننگا۔ جی ٹی روڈ اٹک نا خڑک دوبہ دار اسے آن 18 کلوگرام چرس دوئی کننگا۔ سبی روڈ کوئٹہ نا خڑک دوبہ دار اسے آن 12 کلوگرام چرس دوئی کننگا۔ نادرہ چوک طورخم نا خڑک آن 215 گرام آئس دوئی کننگا۔ ترجمان اے این ایف پارے کہ دزگیر دوبہ دار آتا برخلاف انسدادِ منشیات ایکٹ انا رداٹ مقدمہ نوشتہ کرسا جاست وپاست نا بنا ءِ کننگانے۔