اسلام آباد۔ 16 مئی (اے پی پی) بنجائی وزیر واپار جام کمال خان پاکستان نا برآمدی و کاروباری بشخ آتیٹی اہم ویل آتا ایسری کن اسہ بڑزکو کہول انا دیوان اسے نا کماشی ءِ کرے۔ پنچ شنبے نادے آ وزارت واپار نا جاری اعلامیہ نا رداٹ بنجائی وزیر واپار جام کمال خان وزیراعظم محمد شہباز شریف نا پارت آ کاروباری بشخ ءِ مون تروک ویل و چیلنج آتون مون تننگ کن بڑزکو کہول انا کمیٹی اسے نا دیوان اس اڈتننگا۔ دیوان اٹی بڑزکو برآمد کنندگان ، کاروباری شخصیت، خصوصی زرکاری سہولت کونسل (ایس آئی ایف سی) نا ڈائریکٹر جنرل میجر جنرل تبسم حبیب، ایف بی آر، خزانہ، صنعت، میری ٹائم و انفارمیشن ٹیکنالوجی نا بشخ آتا چندی وزارت آتا نمائندہ غاک ساڑی ئسر۔ چیمبرز آف کامرس ، پاکستان بزنس کونسل (پی بی سی) ، پوریاگر برادری وٹریڈ ڈویلپمنٹ اتھارٹی آ ف پاکستان (ٹی ڈی اے پی) نا کنڈآن وزارت ءِ وقتا فوقتا مطلع کروک آ باندات آتیا اسٹیک ہولڈرز و تعلقدار حکومتی ادارہ غاتون براہ راست انگیج مرسا عملی ایسر اس کشنگ آ گپ وتران کننگا۔ جام کمال دیوان اٹی ایف بی آر نا چیئرمین اسٹیٹ بینک نا گورنر، و سیکرٹری خزانہ نا ساڑی مفننگ آ گڑتی نادرشانی ءِ کرے و 20 تاریخ آ مروک آ ارٹ میکو دیوان اٹی حاضری ءِ پک کننگ نا پارت کرے۔ دیوان اٹی برآمد کنندگان و کاروباری نمائندہ غاک گڑتی نا درشانی ءِ کریر۔ بنجائی وزیر نا کنڈآن تعلقدار محکمہ غاتے دمدستی ورندی جمع کرفنگ نا پارت کننگا، ہراٹی 24 گھنٹہ نا تہہ ٹی فیڈبیک درکار ءِ۔ اہم ویل آتیٹی لیکویڈیٹی چیلنج، کاروباری خڑچ، اسہ ودکی مروک ایکسپورٹ فیسیلیٹیشن اسکیم (ای ایف ایس)، خراج نا آسراتی، صنعت نا حیثیت نا پہچان وایکسپورٹ پروسیسنگ زونز اتھارٹی(ای پی زیڈ اے) نا گچین بست وبند اوار ءِ۔
