اسلام آباد۔ 16 مئی (اے پی پی) وزیرخزانہ و محصولات محمد اورنگزیب قومی اسمبلی ءِ پارینے کہ مسکوہی فاٹا و پاٹاٹی انکم خراج و سیلز خراج اٹی استثنیٰ نا مد اٹی ودکی نا داسکان ہچ ءُ فیصلہ اس کننگتنے، دا باندات آ ایف بی آر اٹی دیوان اس اڈترفنگ کن تیار ءِ۔ پنچ شنبے نادے آ قومی اسمبلی ٹی جنید اکبر، امجد علی خان، صاحبزادہ صبغت اللہ، محمد اقبال و ایلوفتا کنڈآن چکاری نوٹس آ وزیرخزانہ پارے کہ 2018ٹی 25 می آئینی ترمیم نا وخت غٹ فاٹا و پاٹا ءِ جون 2023اسکان خراج آتیٹی استثنیٰ تننگا تانکہ دا علاقہ غاک ملک انا ایلو بشخ آتیانبار زرگزرانی وڑاٹ مربوط مننگ کیر، دانا رداٹ مسکوہی فاٹا و پاٹا ٹی سیلز خراج و انکم خراج نا مد اٹی چھوٹ تننگا، اوکان پد فنانس ایکٹ 2023نا رداٹ داٹی 30 جون 2024 اسکان ودکی کننگانے۔ وزیرخزانہ پارے کہ مچ آملک آن چندی صنعت آتا نمائندہ ڈل آک خواست کننگ ءُ کہ خراج آتیٹی استثنیٰ ءِ چٹفنگے تانکہ غٹ ءِ اسہ وڑ میدان ملے۔ اوپارے کہ فی الحال حکومت خراج استثنیٰ نا مد اٹی ودکی نا ہچ ءُ فیصلہ اس کتنے۔ وزیرخزانہ باسک آتا سوج آتیا پارے کہ جان جوڑی، تعلیم وانسانی آب انا ٹک آک مچ آملک اکن اسہ چیلنج اسے۔ وزیرخزانہ پارے کہ داباندات آ نن گپ وتران کن تیار اُن، نن ایف بی آر اٹی اسہ دیوان اس اڈترفنگ کن تیار اُن تانکہ شرفمند آتا باسک آتا گڑتی تا ازالہ ءِ کننگ مرے۔ وزیرخزانہ اسہ سوج اسے نا ورندی ٹی پارے کہ مسکوہی فاٹا و پاٹاٹی آبادی، درآمدی گڑاوایلو حساب وکتاب آن ایوان ءِ معلومدار کننگک۔
