بیجنگ۔ 16 مئی (اے پی پی) نائب وزیراعظم و وزیرخارجہ محمد اسحاق ڈار پنچ شنبے نادے آ بیجنگ اٹی چین نا ایگزم بینک انا چیئرمین ووفلن تون اوڑدہی۔ دفترخارجہ نا کنڈآن جاری بیان نا رداٹ نائب وزیراعظم و چیئرمین ایگزم بینک ایگزم بینک انا پاکستان تون دیرینہ کمکاری و پاکستان اٹ آخبت نا زرکاری ٹی است خواہی آ گپ وتران کریر۔ اوڑدہی ٹی نائب وزیراعظم مالیاتی و اقتصادی سوگوی کن پاکستان نا کوشست و کاروبار سنگت پالیسی تاخاکہ اس پیش کرے، اوخاص وڑاٹ پاکستان اسٹاک ایکسچینج نا شاندار کارکڑد نا ستاءِ کرے۔ نائب وزیراعظم پاکستان نا زرگزران آ جہانی زرکارآتا پت انا پوسکنی ءِ کرے۔ نائب وزیراعظم محمداسحاق ڈار سی پیک نا رداٹ پاکستان اٹی اہم شونداری ڈٹ آتیکن ایگزم بینک انا پبی مخ تفی نا ستا ءِ کرے۔ نائب وزیراعظم بینک ءِ قابل تجدید توانائی، کشت وکشار، صنعت کاری و صنعتی بشخ آتیٹی فنانسنگ نا پوسکن آ ڈٹ آتا پٹنگ نا سلہ ءِ ہم خلک۔
