اسلام آباد۔ 16 مئی (اے پی پی) اینٹی نارکوٹکس فورس جاڑ انگا شار اسلام آباد و راولپنڈی تون اوار مچ آ ملک اٹی 5 کارروائی تیٹی 32 کلوگرام منشیات دوئی کرسا 4 دوبہ دار آتے دزگیرکرے۔ ترجمان اے این ایف نا رداٹ تدوک آ بیست ءُ چار گھنٹہ ٹی راولپنڈی ٹی کوریئر آفس اٹی اٹلی آ گدریفوک آ پارسل آن 320 گرام آئس دوئی کننگا۔ حیات آباد پشاور اٹی دوبہ دار آن 12 کلوگرام چرس دوئی کننگا۔ لیک ویو پارک اسلام آباد نا خڑک دوبہ دار آن 9.6 کلوگرام چرس دوئی کننگا۔ لاہور اٹی واہگہ نا خڑک دوبہ داراسے آن 9 کلوگرام ہیرون دوئی کننگا۔ بابو صابو انٹرچینج لاہور نا خڑک دوبہ دار آن 1.2 کلوگرام چرس ود 270 گرام افیم دوئی کننگا۔ اوپارے کہ دزگیر دوبہ دار آتا برخلاف انسدادِ منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔

متعلقہ مضامینمصنف کی طرف سے مزید