اسلام آباد۔ 16 مئی (اے پی پی) قومی اسمبلی ٹی وقفہ سوج آتیٹی وزیر و تعلقدار وزارت آتا بڑزکو کمامدارآتا ساڑی مفننگ آ اسپیکر سردار ایاز صادق دیوان ءِ 15 منٹ اکن پدبٹے وخت اس کہ سیکرٹری بین الصوبائی رابطہ، سیکرٹری داخلہ و سیکرٹری انسانی وسیلہ غاتا شونداری ءِ تینا چیمبرآ بٹنگا۔ پنچ شنبے نادے آ قومی اسمبلی نا دیوان نا بناآ اسپیکر سردار ایاز صادق پارے کہ گیلری ٹی جوائنٹ سیکرٹری نا کہول آن کم انا آفیسر بایدے مف، اگہ پارلیمنٹ ءِ سنجیدہ ہلنگتو تو دیوان ءِ پدبٹیوہ۔ اسپیکر آفیسر آتا کنڈآن تعلقدار وزیر آتے سوج آتا ورندی نا بارواٹی حوال تفننگ آ ترندی نا درشانیءِ کرسا سیکرٹری داخلہ و سیکرٹری انسانی وسیلہ نا شونداری ءِ تینا چیمبرآ بٹنگا۔ پیپلزپارٹی نا چیف وہپ اعجاز جھاکرانی پارے کہ وزیر آک بایدے داڑے ساڑی مریر، دابابت اسپیکررولنگ ایتے۔ اسپیکر اوکان پد دیوان نا کارروائی ءِ 15 منٹ اکن پدبٹے۔
