میجر بابر خان نا وطن کن قربانی تے اسُل است آن دننگ مفک، صوبائی وزیر خزانہ

خاران۔ 16 مئی (اے پی پی) مسلم لیگ ن نا راہشون ایم پی اے خاران و صوبائی وزیرخزانہ ومعدنیات بلوچستان میر شعیب نوشیروانی بلوچستان نا ضلع ژوب انا علاقہ سمبازہ ٹی شکبر بندغ آتا جلہو ءِ بے سہب کرسا آپریشن اٹی میجر بابر خان نیازی نا شہید مننگ آ ڈکھیائی نا درشانی ءِ کرساپارینے کہ دہشت گردی نا برخلاف سیکورٹی فورس آتا قربانیک بے مٹ ءُ، میجر بابرخان نیازی نا وطن کن قربانی تے اسُل است آن دننگ مفک۔ میر شعیب نوشیروانی پارے کہ سیکورٹی کارندہ غاک تینا دتراٹ گل زمین نا رکھ انا قول انا آبیاری ءِ کننگ ءُ، الس نا جان ومال انا رکھ و امن و ایمنی ٹی بلوچستان نا الس و سیکورٹی فورس آک متحد ءُ، میر شعیب نوشیروانی وطن نا بہادر مار میجر بابر خان ءِ خراج عقیدت پیش کرسا پارے کہ مچ آ قوم ءِ وطن نا داوڑنا بہادر مارتیا گمر ءِ۔