حب۔ 16 مئی (اے پی پی) ڈپٹی کمشنر حب روحانہ گل کاکڑ گورنمنٹ سول ہسپتال جام غلام قادر نا دورہ ءِ کرسا چندی بشخ آتا معائنہ ءِ کرے، سفائی نا نظام ءِ پین گچین کننگ نا پارت جاری کرے، ڈپٹی کمشنر حب روحانہ گل کاکڑ ڈسٹرکٹ حب گورنمنٹ سول ہسپتال جام غلام قادر حب آ سرمس سول ہسپتال نا چندی بشخ آتا معائنہ ءِ کرے۔ ڈاکٹر آتا حاضری ءِ چیک کرے ، سول ہسپتال اٹی سفائی و ستھرائی نا بابت گچین گام گیج کننگ نا پارت کرے۔ ڈپٹی کمشنر حب روحانہ گل کاکڑ پارے کہ حبکو نا کمک اٹ 2 کمرہ جوڑ کننگک ہراڑے میڈیکل ویسٹ ءِ تخنگک و کراچی آن میڈیکل ویسٹ ءِ ہرفنگ کن گاڈی بریک ہرامیڈیکل ویسٹ ءِ دانگیا درسا ڈسپوز کرفک۔ داوخت آ ڈی ایچ او حب عبدالغنی بلوچ و سول ہسپتال حب جام غلام قادر حب انا ایم ایس ئسک ہم ساڑی ئسر۔
