کوئٹہ۔ 15 مئی (اے پی پی) چیئرمین بلوچستان بورڈ آف انٹرمیڈیٹ اینڈ سیکنڈری ایجوکیشن کوئٹہ میر اعجاز عظیم بلوچ پارینے کہ نقل اسہ ناسور اسے ہرا ملک انا پوسکن آ چین ءِ جہالت نا تہاری تیٹی دِکہ تننگ ءِ بلوچستان حکومت دا ناسور ءِ چٹفنگ کن ہرحداسکان کاہک ننے غٹ ءِ اواری اٹ عملی جہد کروئی مریک۔ بورڈ مدام قومی است خواہی تارداٹ ساف و شفاف امتحان تے امن چاگڑد اٹ اڈترسا دا کلہو ءِ تسنے کہ بلوچستان بورڈ تینا قومی فرض اناادائیگی ٹی ہروخت تیار ءِ۔ بلوچستان بورڈ تاریخ اس نوشتہ کرسا پاکستان نا ایلو بورڈ آتیان اول رزلٹ نا پڑو کرے و بلوچستان نا طالب علم آتا است ءِ کٹا کنا کوشست مریک کہ داسال ہم بلوچستان بورڈ اول رزلٹ نا پڑو ءِ کیک امتحانی نظام ءِ پوسکن آ وڑتتون ہم گرنچ کننگ کن خودکار ڈیجیٹل سسٹم اس درستی راستی کرفنگا و ڈیجیٹل اٹینڈنس اینڈ مانیٹرنگ سسٹم ’’ڈیمز‘‘ نا رداٹ امتحانی عملہ، و امتحان تیٹی شریک طالب علم آتون اوار مانیٹرنگ اسٹاف نا ریئل ٹائم آن لائن حاضری پوسکن آ خودکار ڈیجیٹل سسٹم تون اوار اوار بلوچستان بورڈ اٹی اصلاحات نا عمل برجاءِ و ننا کوشست ءِ کہ اصلاحاتی ڈٹ آتے عملی دروشم اس ترسا بورڈ انا امور نا بابت الس ءِ زیات آن زیات آسراتی اوفتا درگہ اسکان سرکننگک ۔ داکان مست آن لائن ڈگری، ڈی ایم سی نا جاری کننگ، سند نا تصدیق و ری کاؤنٹنگ پروسیجر نا آسراتی فراوان کننگانے۔ داخیال آتا درشانی ءِ او برجاامتحان تا چندی سینٹر آتا دورہ غا طالب علم آتون گپ وتران کرساکرے۔ داوخت آ ڈپٹی کنٹرول بلوچستان بورڈ قاضی محمد انور ہم اوار ئس چیئرمین بورڈ امتحان تروک آ چناتا سلیپ و پیپرآتے چیک ہم کرے۔ چیئرمین بورڈ میر اعجاز عظیم بلوچ پارے کہ صوبہ نا چناتے نقل آن بچفسا اوفتے علم انا دولت آن آراستہ کروئی مریک، انتئے کہ ہراڑے چناک نقل کرسا پاس مریرہ ولے او عملی زند اٹ اسُل سرسہب مفسہ اینو ننے قول کروئی ءِ کہ نقل کون آ لعنت ءِ چٹفوئی مریک۔
