اسلام آباد۔ 15 مئی (اے پی پی) وزیراعظم نا کوآرڈی نیٹر موسمیاتی بدلی رومینہ خورشید عالم پارینے کہ گلوبل وارمنگ آن مچ آ دنیا نا مشی آ علاقہ غاتیٹی گلیشیئرز ، چاگڑدی نظام ، زندو معاش آ منفی اثرمرتب مننگ ءِ ولے ترندی اٹ دِیر مرسا گلیشیئرز ، چاگڑدی نظام نا نسخان و زند و معاش نا رکھ انا چیلنج آتون مون تننگ ہمووخت اسکان ممکن اف ہراتم اسکان کہ جہانی برادری گلوبل وارمنگ نا محرکات خاص کر باسنی ٹی ودکی کروک آ گیس آتا پیش تمنگ تون مون تننگ کن گام گیج کننگے۔ اطالوی غیرسرکاری تنظیم، ای وی کے ٹوسی این آراتون اسہ دیوان اسے ناکماشی ءِ کرسا اوپارے کہ پاکستان تون اوار مشی آ علاقہ غاتیٹی برف انا احاطہ نا حد و دورانیہ ٹی ودوک آ درجہ حرارت تون موسمی وڑتیٹی بدلی، گلیشیئرآتا دیر مننگ، پرمافراسٹ نا دیر مننگ، و برف اٹی کمتی ہم اوار ءِ ہراٹی دیر انا بہاؤ و صنعتی، گھریلو و کشاری کاریم اٹ اتنگ کن اونا دستیابی ترندی اٹ کم و ناقابل اعتبار مرسا کننگ ءِ۔
