راولپنڈی۔ 15 مئی (اے پی پی) اینٹی نارکوٹکس فورس منشیات اسمگلنگ نا برخلاف برجاکریک ڈاؤن اٹی 7 کارروائی تیٹی 47 کلوگرام منشیات دوئی کرسا 12 دوبہ دار آتے دزگیرکرے۔ اے این ایف ہیڈکوارٹرراولپنڈی آن جاری بیان نا رداٹ تدوک آ 24 گھنٹہ غاتیٹی مچ آملک اٹی چندی انسداد منشیات کارروائی کننگا ہرافتے ٹی سیالکوٹ اٹی کوریئر آفس اٹی برطانیہ غا مون تروک آ پارسل آن 600 گرام ہیرون دوئی کننگا۔ ایم ون موٹروے اسلام آباد نا خڑک اِرا دوبہ دارآن 13 کلوگرام ہیرون دوئی کننگا۔ ایم 8 گوادر اٹی مسہ دوبہ دار آن 10 کلوگرام افیم و 320 گرام ویڈ دوئی کننگا۔ طورخم اٹی مسہ اوغان باتی تیان 10 کلوگرام آئس دوئی کننگا۔ ڈیوائن گارڈن لاہور نا خڑک اِرا دوبہ دارآن 8 کلوگرام ہیرون دوئی کننگا۔ بھینی روڈ لاہور نا خڑک دوبہ دار آن 4 کلوگرام ہیرون دوئی کننگا۔ ٹنڈو تھورو حیدر آباد اٹی دوبہ دار آن 1 کلوگرام چرس و 130 گرام آئس دوئی کننگا۔ ترجمان اے این ایف پارےکہ دزگیر دوبہ دار آتا برخلاف انسدادِ منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
