اسلام آباد۔ 15 مئی (اے پی پی) آئی ایم ایف ٹیم اتون مذاکرات نا سوب آن وزیر آتا ساڑی مفننگ نا سوب آن قومی اسمبلی نا ایجنڈا ٹی اوار وقفہ سوج و چکاری نوٹس آتے موخرکننگا۔ چارشنبے نادے آ دیوان نا بناآ ڈپٹی اسپیکر سید غلام مصطفیٰ شاہ ایوان ءِ معلومدار کرے کہ آئی ایم ایف نا ٹیم انا سوب آن تعلقدار وزیرآک افس، دابناآ وقفہ سوج و ایلو کارروائی تے موخر کننگانے۔ مسلم لیگ (ن) نا قومی اسمبلی نا باسک حنیف عباسی پارے کہ نن ہرجاگہ غا دا پانہ و بننہ کہ پارلیمنٹ سپریم ءِ ، وزیرآک بایدے داڑے ساڑی مریر انتئے کہ اوداایوان کن گچین مسنو، بیرہ تقریر کرسا ہِننگ کن گچین متنو۔ ڈپٹی اسپیکر پارے کہ آئی ایم ایف ٹیم اتون مذاکرات نا سوب آن وزیر آک بتنو۔ حنیف عباسی پارے کہ وزیر آتا حاضری نا سرجمی اٹ ایوان ءِ معلومدار کننگے۔
