دہشت گرد آتا ناپاک عزم ءِ مش تا کروک آتے سلام پیش کینہ، بنجائی وزیر داخلہ نا بلوچستان اٹی شہید مروک آ میجر بابر خان ءِ خراج عقیدت

اسلام آباد۔ 15 مئی (اے پی پی) بنجائی وزیر داخلہ محسن نقوی بلوچستان نا علاقہ ٹی دہشت گرد آتا برخلاف آپریشن اٹی شہید مروک آ میجر بابر خان نا بہادریءِ زبردست لوز آتیٹی خراج عقیدت پیش کرسا پارینے کہ وطن نا شہید آک تینا نہادی دتراٹ امن نا آبیاری ءِ کرینو و مچ آ قوم ءِ شہید آتا عظیم قربانی تیا ناز ءِ۔ چارشنبے نادے آ تینا بیان اٹی بنجائی وزیر داخلہ شہید میجر بابر خان نا خاہوت تون ہمدردی و ہڑزخواہی نا درشانی ءِ کرے۔ اوپارے کہ میجر بابر خان دہشت گرد آتا برخلاف بہادری اٹ جنگ ترسا تینا نہادی جون ءِ وطن آ ندر کرے۔ شہید میجر بابر خان جیرت اٹ دہشت گرد آتے جہنم واصل کرے۔ دہشت گرد آتا ناپاک عزم ءِ مش تا کروک آ شہید میجر بابر خان ءِ سلام پیش کینہ۔ اوپارے کہ میجر بابر خان شہیدی نا بھلو رتبہ اس کٹا۔ شہید میجر بابرخان نا قربانیک زیان مفسہ۔