راولپنڈی۔ 15 مئی (اے پی پی) بلوچستان نا ضلع ژوب انا علاقہ سمبازہ ٹی دہشت گرد آتا برخلاف انٹیلی جنس بیسڈ آپریشن اٹی شہید مروک آ پاک فوج انا میجر بابر نیازی نا نماز ءِ جنازہ ءِ ژوب کینٹ اٹی خواننگا۔ آئی ایس پی آر نا رداٹ نماز ءِ جنازہ ٹی بڑزکو فوجی و سول آفیسرآک، الس و سول انتظامیہ نا نمائندہ غاک بشخ ہلکر۔ شہید ءِ پورو وفوجی اعزاز اتون باوہ پیرہ ئی آ شار اٹی جہہ جاگہ کننگک۔ آئی ایس پی آر نا پاننگ ءِ کہ پاکستان نا سلہہ بند فوج قوم اتون ہم کوپہ سلوک ءِ و ملک انا امن و سوگوی  ءِ لتاڑنگ نا دہشت گردی نا کوشست آتے بے سہب کننگ کن سنبرینگوک ءِ۔ ننا بہادر مارتا داقربانی دہشت گردی نا لعنت نا برخلاف جنگ تننگ نا ننا عزم ءِ سوگوی ایتک۔ لمہ وطن آن دہشت گردی نا لعنت نا چٹفنگ اسکان دہشت گردی نا برخلاف جنگ برجاسلک۔

متعلقہ مضامینمصنف کی طرف سے مزید