اسلام آباد۔ 14 مئی (اے پی پی) چنڑز انا شکار کن ڈغار الاٹمنٹ کیس انا سماعت ءِ 17 مئی آ چیف جسٹس قاضی فائز عیسیٰ نا کماشی ٹی مسہ باسکی بنچ کیک۔ سپریم کورٹ اٹی چنڑز انا شکار کن ڈغار نا الاٹمنٹ نا کیس ءِ سماعت کن مقرر کننگانے۔ سپریم کورٹ نا کنڈآن جاری کازلسٹ نا رداٹ چیف جسٹس قاضی فائز عیسیٰ نا کماشی ٹی جسٹس عرفان سعادت خان و جسٹس نعیم اختر افغان آ تالان مسہ باسکی بنچ 17 مئی 2024 ء آ اپیل آتیا سماعت کیک۔ بلوچستان ہائی کورٹ نا فیصلہ نا برخلاف صوبائی حکومت نا کنڈآن اپیل دائر کننگاسس۔ یات سلے کہ 2015ء ٹی سپریم کورٹ چنڑز انا شکار آ پابندی خلکوسس وخت اس کہ نظرثانی درخواست آتیٹی لارجر بنچ چنڑز انا شکار آ پابندی نا فیصلہ ءِ کالعدم گونداسس۔
