راولپنڈی۔ 14 مئی (اے پی پی) اینٹی نارکوٹکس فورس منشیات اسمگلنگ نا برخلاف10 کارروائی تیٹی 384کلوگرام منشیات دوئی کرا 10 دوبہ دار آتے دزگیرکرے۔ اے این ایف ہیڈ کوارٹر راولپنڈی آن جاری بیان اٹی پاننگانے کہ اے این ایف تدوک آ 24 گھنٹہ غاتیٹی کروک آ کارروائی تیٹی کراچی ایئرپورٹ آ اِرا جتا کارروائی تیٹی دوحہ و بحرین آ ہنوک آ اِرا مسافر آتیان 280 گرام آئس و 466 گرام چرس دوئی کرے۔ کراچی ٹی کنٹینر آن 280 کلوگرام آئس دوئی کرسا 2 دوبہ دار آتے دزگیر کننگا۔ کراچی ٹی سلطان آباد نا خڑک دوبہ دار اسے آن 36 کلوگرام چرس دوئی کننگا۔ ایم ون اسلام آباد نا خڑک اِرا جتا کارروائی تیٹی اِرا دوبہ دارآتیان 37 کلوگرام چرس و 700 گرام آئس دوئی کننگا۔ آرسی ڈی روڈ حب انا خڑک آن 10.8 کلوگرام چرس دوئی کننگا۔ ہری پور اٹی دوبہ دار اسے آن 9.6 کلوگرام چرس دوئی کننگا۔ ساؤتھ ایگریکلچر سینٹر پنجاب اٹی دوبہ دار اسے آن 6 کلوگرام چرس دوئی کننگا۔ کشمیر روڈ فیصل آباد نا خڑک دوبہ دار آن 3.6 کلوگرام چرس دوئی کننگا۔ ترجمان پارے کہ دزگیر دوبہ دار آتا برخلاف انسدادِ منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
