اقوام متحدہ۔ 14 مئی (اے پی پی) پاکستان اقوام متحدہ تون گنڈوک تنظیم ورلڈ فیڈریشن آف یواین ایسوسی ایشنز (ڈبلیو ایف یواین اے) ءِ پارینے کہ او 2025-26نا مد اکن اقوام متحدہ نا سلامتی کونسل نا بے آخبتی نشست کن درخواست تسنے ہرانا مسخت جہانی ادارہ نا چارٹرنا پاسداری ءِ مون آ دننگ، اقوام متحدہ نا سلامتی کونسل نا قرارداد آتون اوار اوار جہانی کانود آخلوص اٹ عملدرآمد ءِ۔ اقوام متحدہ ٹی پاکستان نا نائب آخبتی نمائندہ عثمان جدون تدوک آ دے نیویارک اٹی اقوام متحدہ نا ہیڈکوارٹراٹی ورلڈ فیڈریشن آف یواین ایسوسی ایشنز نا کنڈآن 15 باسکی کونسل نا بروک آ گچین کاری تیا اڈ ہلوک شرہ ٹی پارے کہ پاکستان جنگ انا توننگ و امن ءِ مون آ دننگ، جہانی شونہالی و انسانی حق انا جہانی شرف ءِ مون آ دننگ نا چارٹر نا وژن آن تینا وابستگی نا درشانی ءِ کرینے۔ نیشنل ایسوسی ایشنز فیڈریشن نا وڑاٹ اقوام متحدہ تون گنڈوک تنظیم ورلڈ فیڈریشن آف یو این ایسوسی ایشنز (ڈبلیو ایف یواین اے) 1946ٹی جوڑ کننگا، دا تنظیم اقوام متحدہ نا چارٹرنا قدر ءِ مو ن آدننگ، کثیر الجہتی نا دفاع ءِ کننگ و اقوام متحدہ نا کاریم نا اہم تمبہ یعنی امن و سلامتی پائیدار، شونداری و انسانی حق انابارواٹی شعور تالان کننگ کن کاریم کیک۔
