اسلام آباد۔ 14 مئی (اے پی پی) پاکستان پیپلزپارٹی نا باسک قومی اسمبلی شرمیلا فاروقی پارینے کہ مستین اٹ تینا اقتدار، انا و فائدہ غاتا خاطر دھرنہ نا کمک اٹ سرکاری ادارہ غاتیا جلہو کننگا و ملک ءِ نسخان تننگا، سیاسی لیڈر آک ذاتی عناکن آخا ملک و الس کن فیصلہ کیرہ، ننے تینا روشنا آخبت کن قومی اولیت آتا تعین ءِ کروئی مریک۔ سے شنبے نادےآ قومی اسمبلی ٹی صدارتی تران آ شرہ ٹی بشخ ہلسا قومی اسمبلی نا باسک شرمیلا فاروقی شرہ ٹی بشخ ہلسا صدر مملکت آصف علی زرداری ءِ دُوارہ صدر گچین مننگ آ مبارکبادی پیش کرے وپارے کہ دا جمہوریت نا سرسہبی ءِ، پارلیمنٹ نا اسیجائی دیوان آن صدر مملکت نا تران ءِ اپوزیشن بِننگ ہم گوارہ کتو، صدر مملکت تینا تران اٹی پارے کہ اینو نن ہرا اولیت آتا تعین ءِ کینہ ، ہموننا آخبت مریک، صدر مملکت پارلیمنٹ آ زور شاغا کہ السی ویل و مشکل آتے مون آ تخسا اولیت آتا تعین ءِ کننگے۔ اوپارے کہ لیڈرذاتی عناد، انا و فائدہ غاتیکن آخا الس و ملک اکن فیصلہ کیک، گودی بینظیر بھٹو نا شہیدی آن پد او پاکستان کھپے نا نعرہ ءِ خلکوسس، 18 می ترمیم نا کمک اٹ او بنجاو صوبہ غاتے سوگو کرے، مستین اٹ تینا اقتدار، اناو مفاد نا خاطر دھرنہ غاتا کمک اٹ سرکاری ادارہ غاتیا جلہو کننگا و ملک ءِ نسخان سرکننگا، صدر مملکت داہیت آزور شاغا کہ بشخنگ نا جاگہ غاننے تینا تینا ذاتی رنجش آتے است آن درسا السی ویل آتا اواری اٹ تولسا ایسری اس کشنگے، پاکستان ءِ داوخت آ زرگزرانی و اقتصادی تنکی نا مون تروک ءِ، گچین کاری اصلاحات کیر و ملک انا آخبت نا بابت فیصلہ کیر۔
