اسلام آباد۔14مئی (اے پی پی): مزن وزیر محمد شہباز شریف ءَ گوادر دکہ ءَ را سرجمیں رنگ ءَ برجا کنگ ءِ وستہ ملکی درآمد ی چیز آناں ھاسیں رنگ ءَ حکومت ءِ نیمگ ءَ چہ درآمد کنوکیں چیز آنی یک ھاسیں کساس ءِ گوادر دکہ ءَ چہ درآمد کنگ ءِ پنت ءُ شون کنان ءَ گوشتگ کہ سی پیک ٹو ءِ سر ءَ کار ءَ چہ وزارت ءُ سرکاری ادارگ آنی نیمگ ءَ چہ اچ رنگیں نیمون قبول کنگ نہ بیت، چینی پاشندگ آناں فول پروف سیکورٹی دل یکیمی جوڑ کنگ بہ بیت۔ سئے شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئیءَ وتی سروکی ءَ چین پاکستان اقتصادی راہداری ءُ چینی سرمایہ کاری ءِ چیر دستی ءَ ایندگر منصوبگ آنی ھوالگ ءَ مزن تکی چار ءُ تپاسی دیوان ءَ کت۔ دیوان ءَ بنجاھی وزیر احسن اقبال، محمد اورنگزیب ، جام کمال خان، احد خان چیمہ، رانا تنویر حسین، قیصر احمد شیخ، سردار اویس خان لغاری، ڈاکٹر مصدق ملک، عبدالعلیم خان، ھاسیں کمکار طارق فاطمی، مزن وزیر ءِ کورآرڈینیٹر رانا احسان افضل ءُ سیادی داروکیں کارندہ آں بھر زوری کت۔
