راولپنڈی۔ 13 مئی (اے پی پی) اینٹی نارکوٹکس فورس جاڑ انگا شار آتون اوار مچ آملک اٹی منشیات اسمگلنگ نا برخلاف 10 کارروائی تیٹی 287 کلوگرام منشیات دوئی کرسا 16 دوبہ دار آتے دزگیرکرے۔ اے این ایف ہیڈکوارٹرراولپنڈی آن جاری بیان نا رداٹ تدوک آ 24 گھنٹہ ٹی کروک آ کارروائی تیٹی راولپنڈی ٹی کوریئر آفس اٹی برطانیہ غا گدریفوک آ پارسل آن 8400 نشئی ءُ گولی دوئی کننگا۔ ایکسپریس وے اسلام آباد نا خڑک دوبہ دار آن 108 کلوگرام چرس ، 3.6 کلوگرام افیم و 2کلوگرام ئس دوئی کرے۔ رنگ روڈ پشاور نا خڑک دوبہ دار آن 72 کلوگرام چرس دوئی کننگا۔ ایم ون اسلام آباد نا خڑک آن 48 کلوگرام چرس دوئی کننگا۔ کالاشاہ کاکوٹول پلازہ شیخوپورہ نا خڑک 3 دوبہ دار آن 24 کلوگرام افیم دوئی کننگا۔ سہراب گوٹھ کراچی ٹی 2 دوبہ دار آن 12 کلوگرام چرس دوئی کننگا۔ ٹنڈوجام حیدر آباداٹی 2 دوبہ دارآن 8 کلوگرام چرس دوئی کننگا۔ جی 9 اسلام آباد اٹی 5 دوبہ دارآن 5.8 کلوگرام چرس دوئی کننگا۔ برہان انٹرچینج اٹک نا خڑک دوبہ دار آن 2 کلوگرام افیم دوئی کننگا۔ اسلام آباد اٹی یونیورسٹی نا خڑک دوبہ دارآن 105 گرام آئس دوئی کننگا۔ ترجمان پارے کہ دزگیر دوبہ دار نا برخلاف انسدادِ منشیات ایکٹ انا رداٹ مقدمہ نوشتہ کرسا جاست وپاست نا بناءِ کننگانے۔
