پوریاگر برادری نا ویل آتے اولیتی بنداوتیا ایسر کینہ، وزیر واپار جام کمال

اسلام آباد۔ 13 مئی (اے پی پی) بنجائی وزیر واپار جام کمال خان پارینے کہ حکومت پوریاگر برادری نا ویل آتے ایسر کننگ کن کوشست کننگ ءِ، پوریاگر برادری نا ویل آتے اولیتی بنداو تیا ایسر کینہ۔ دوشنبے نادے آ کراچی ٹی نیوز کانفرنس اٹی بنجائی وزیرواپار جام کمال خان پارے کہ پوریاگر برادری ءِ مون تروک چیلنج آتا ایسرکننگ کن حکومت کمیٹی اس جوڑ کرینے ، گیس و ٹیرف نا بابت سلاہ تے وزیراعظم ءِ پیش کینہ، کمیٹی نا کماشی ءِ ای تینٹ کننگ اٹی اُٹ۔ اوپارے کہ او صنعت کارو بزنس کمیونٹی تون بجٹ نا بابت اوڑدہی کیک تانکہ علاقائی واپار ءِ گچین کننگ کے۔ جام کمال پارے کہ پاکستان اٹ پیشن نا زرکارآتیکن بھاز انگا وارخواہی ساڑی ءِ۔ سعودی عرب آن داخہ کم وخت اٹی داخہ بھلوواپاری ڈل اسے نا بننگ حکومت نا سرسہبی ءِ ووزیراعظم پاکستان دا مچ آ عمل نا تینٹ چاروکی ءِ کریکہ۔ وزیر واپار پارےکہ جی سی سی معاہدہ آخیریکو ریسہ غاتیٹی ءِ ہراکہ زوت ایسراسکان سرمریک۔ اوپارے کہ پاکستان نا بزنس کمیونٹی جاپان اٹ مروک آ ایکسپو ٹی ہم بشخ ہلیک۔ وزارت واپار ٹیرف بورڈ انامیٹنگ ءِ بٹنگ ءِ  و بجٹ آن مست غٹ کاریم تے پورو کننگک۔ اوپارےکہ مشکل نا داساہت اٹی ایکسپورٹ کروک آ بندغ آتا است بڈی ءِ کننگ انگ ءِ و ایکسپورٹ نا بابت پالیسی ءِ پین آسان کننگک۔ پاکستان اٹ آٹو موبائل مینوفیکچرنگ مفننگ ءِ، حکومت خواہک کہ کارمینو فیکچرنگ کمپنیک ایکسپورٹ کیر و ہندی گاڈی صارف آتے کم نہاد اٹی ملے۔ اوپارے کہ پاکستان ایلو ملک آتون واپاری معاہدہ کننگ  ءِ تانکہ ملک اٹی بیروزگاری ٹی کمتی اتنگ مریک۔ اومستی پارے کہ ٹیرف نا ویل آتا سوب آن بھاز انگا کمپنیک بند مسنو۔ نن تون آئی ٹی نا بشخ اٹی بھاز کچ ارے، برآمد آتا مون آ دننگ کن دے و نن کاریم کننگ انگ ءِ و ہندی صنعت نا ویل آتے ایسر کننگ انگ ءِ۔