بیجنگ۔ 13 مئی (اے پی پی) نائب وزیراعظم و وزیرخارجہ سینیٹر محمد اسحاق ڈار شنگھائی کمکار تنظیم نا سیکورٹی و شونداری کمکاری نا ایجنڈا ءِ مون آدننگ کن پاکستان نا پکا عزم انا درشانی  ءِ کرسا تنظیم نا باسک ملک آتیا زور شاغاکہ او اجتماعی زمواری نا رداٹ اسہ ایلو تون جوان کمک کیروڈیہہ انا پائیدار شونداری و شونہالی کن تینا اجتماعی لائخی تے کاریم اٹ اتیر۔ اوداہیت ءِ دوشنبے نادے آ داڑے شنگھائی کمکار تنظیم (ایس سی او) نا سیکرٹری جنرل ژانگ منگ تون بیجنگ اٹی اوڑدہی ٹی پارے۔ اوشنگھائی کمکار تنظیم نا چارٹر و تنظیم نا بنداوی اصول آتیا پاکستان نا بدل مفروک عزم انا درشانی ءِ کرے۔ دفترخارجہ نا رداٹ اوشنگھائی کمکار تنظیم نا سیکورٹی و شونداری کمکاری نا ایجنڈا ءِ مون آ دننگ کن پاکستان نا پکا عزم انا درشانی ءِ کرے۔ نائب وزیراعظم و وزیرخارجہ شنگھائی کمکار تنظیم نا ڈیہہ اٹی اہمیت ءِ امنا کرسا تنظیم نا باسک ملک آتیا زور شاغا کہ او اجتماعی زمواری نا رداٹ اسہ ایلو تون جوان کمک کیر و ڈیہہ اناپائیدار شونداری و شونہالی کن شنگھائی کمکار تنظیم نا اجتماعی لائخی تے کاریم اٹ اتیر۔ اوڑدہی ٹی شنگھائی کمکار تنظیم نا سروک مملکت نا کونسل نا چیئرمین نا وڑاٹ پاکستان نا گام گیج و کڑد آ ہم گپ وتران کننگا ۔ سفیر ژانگ چیئرمین نا عہدہ ءِ سنبھالنگ آ حکومت ءِ پاکستان کن نیک است خواہی نا درشانی ءِ کرے و ایس سی او سیکرٹریٹ نا کنڈآن تنظیم نا سروک حکومت نا حیثیت اٹ پاکستان نا پدریسہ مخ تفی نا درشانی ءِ کرے۔

متعلقہ مضامینمصنف کی طرف سے مزید