اسلام آباد۔ 13 مئی (اے پی پی) وزیراعظم محمد شہباز شریف کشمیری الس نا ویل آتا ایسری کن 23 ارب روپئی نا دمدستی فراوانی نا منظوری ءِ تس۔ دوشنبے نادے آ وزیراعظم میڈیا آفس آن جاری بیان نا رداٹ وزیراعظم پاکستان محمد شہبازشریف نا کماشی ٹی آزاد کشمیر نا ساڑی آ حالیت آتیا خصوصی دیوان اس داڑے اسلام آباد اٹی اڈ ہلک۔ دیوان اٹی وزیراعظم آزاد کشمیر، آزاد کشمیر نا وزیر آک و بڑزکو سیاسی سرکڑدہ غاک بشخ ہلکر۔ دیوان اٹی بنجائی وزیر آک و سیوتی جماعت آتا زعماک ہم بشخ ہلکر۔ دیوان اٹی ساڑی آ حالیت آتا سرجمی اٹ جاچ ءِ ہلنگ آن پد وزیراعظم محمد شہباز شریف کشمیری الس نا ویل آتے ایسر کننگ کن 23 ارب روپئی دمدستی فراوان کننگ نا منظوری ءِ تس۔ کشمیری سرکڑدہ و بشخ ہلوک آک وزیراعظم پاکستان محمد شہباز شریف نا منت واری ءِ ہرفیر۔

متعلقہ مضامینمصنف کی طرف سے مزید