اسلام آباد۔ 13 مئی (اے پی پی) وزیراعظم محمد شہباز شریف ڈاکٹر خالد مقبول صدیقی ءِ تدوک آ دے چیئرمین متحدہ قومی موومنٹ (پاکستان ) گچین مننگ آ مبارکبادی تسنے۔ دوشنبے نادےآ وزیراعظم آفس نا میڈیا ونگ آن جاری بیان نا رداٹ وزیراعظم پارے کہ ڈاکٹر خالد مقبول صدیقی بطور کنوینر متحدہ قومی موومنٹ پاکستان، پارٹی ٹی اسہ پوسکن ءُ ساہ اس شاغا و پارٹی قومی فائدہ غاتا خاطر مشکل فیصلہ غاتیٹی حکومت تون پبی تفے۔ وزیراعظم دااومیت نا درشانی ءِ کرے کہ ڈاکٹر خالد مقبول صدیقی نا کماشی ٹی متحدہ قومی موومنٹ الس نا حقی نمائندگی ءِ کرسا اوفتا ویل آتے ایسر کننگ کن پین متحرک مریک۔
