اسلام آباد۔10مئی (اے پی پی):مزن وزیر محمد شہباز شریف ءَ سرمایہ کاری بورڈ ءَ را ملک ءَ سرمایہ کاری ءُ نوکیں کاروبار ءِ بنگیج کنگ ءِ واستہ گیش آسانی پیداک کنگ ءِ سیم سر دیگ بوتگ ءُ گوشتگ بوتگ کہ توامیں سیادی داروکیں وزارت ءُ صوبائی حکومت آناں دل یکیمی ءَ زوران ءَ ون ونڈو آپریشن ءِ ترز ءَ یک کار رپک ءِ سہرا کنگ بہ بیت، ڈنی سرمایہ کاری ءِ واستہ دوست ملک آنی کاروباری ڈل ءِ تر ءُ تاب ءُ اسٹاک ایکسچینج ءَ ریکارڈ ترندی، ڈنی ءُ ھندی کاروباری ءُ سرمایہ کار برات آناں حکومتی پالیشی آنی سر ءَ دل یکیمی ءِ سہرا ئی ءَ کنت۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءِ سروکی ءَ ملک ءَ سرمایہ کاری ءُ کاروباری چست ءُ ایر آنی واستہ آسانی ءُ دیمروئیءِ واستہ مزن تکی چار ءُ تپاسی دیوان ءِ برجم بوت۔
