اسلام آباد۔10مئی (اے پی پی): مزن وزیر محمد شہباز شریف ءَ کوپ 29 ءَ بھر زوری ءِ دعوت ءَ را قبول کنان ءَ اے ھوالگ ءَ آزربائیجان ءِ کامیاتی ءَ را دل یکیمی جوڑ کنگ ءِ واستہ پاکستان ءِ نیمگ ءَ سرجمیں پنت ءُ شون ءُ کمک ءِ دل یکیمی داتگ۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ گوں آزربائیجان ءِ ماحولیات ءُ کدرتی آسراتی ءِ وزیر مختار بابائیف ءَ مزن وزیر کارگس ءَ گند ءُ نند کت۔ آزری وزیر ءَ مزن وزیر ءَ را آزربائیجان ءِ صدر لاہام علییوف ءِ نیمگ ءَ نومبر 2024 ءَ باکو ءَ برجم بوھوکیں یونائیٹڈ نیشن کانفرنس آف پارٹیز 29 (کوپ 29) دیوان ءَ بھر زوری ءِ دعوت نامہ پیش کت۔ مزن وزیر ءَ 29 کانفرنس آف پارٹیز ءِ دعوت نامہ ءِ پد ءَ آزربائیجان ءِ صدر ءِ شگر ءُمنت واری گپت ءُ آئی ءَ را آزرئی الس آناںکوپ 29 ءِ میزبانی ءِ واستہ باکو ءِ گچین کنگ ءِ پد ءَ مبارکبات پیش کت۔
