کوپ 29  ءِ نتیجگ  ءَ  نوک دیمروئی کنوکیں  ملک آناںموسمی مٹ ءُبدلی     ءِ جاور آں گوں گر ءُ چیل بوھگ ءِ واستہ مالیاتی ضلورت  آناں پیلو کنگ ءَ کمک رسیت،  صدر  مملکت  آصف علی زرداری

اسلام آباد۔10مئی  (اے پی پی):صدر مملکت آصف علی زرداری  ءَ  آزربائیجان  ءَ راکوپ 29 کانفرنس  ءِ میزبانی  در جنگ  ءِ پد ءَ مبارک بات  دیان ءَ امیت سہرا کت کہ کوپ   29  ءِ نتیجگ ءَ  دیمروئی  کنوکیں ملک آناں  موسمی  مٹ ءُبدلی ءِ رند پد  آں گوں  گر ءُ چیل بوھگ ءِ واستہ مالیاتی ضلورت  آناں پیلو کنگ ءَ کمک رسیت۔ ایوان ءِ  صدر  ءِ پریس  ونگ  ءِ   رد ءَ صدر   مملکت  آصف  علی زرداری   آزربائیجان  ءِ وزیر   ءِ  ماحولیات ءُ کدرتی    ءُ آسراتی   مختار بابائیف ءَ گوں تران کنگ ءَ ات  آئیءَ آدینگ ءِ روچ ءَ ایوان ءِ صدر ءَ گند ءُ نند کت۔ صدر   مملکت ءَماحولیاتی مٹ ءُ بدلی   ءِ جیڈھ  آں گوں  گر ءُ  چیل بوھگ ءِ واستہ   میاں اوستمانی کوشست  آنی  ضلورت  ءِ   ھوالگءَزور  پر دیان ءَ گوشتگ کہ ماحول دوست ٹیکنالوجی  وتی کنگ،   کشت ءُ کشار    ءِ  دیمروئی دیگ   ءُ گرین  ہاوس  گیس آنی  یلو بوھگ ءَ  را کم  کنگ  لوٹ ائیت۔ گلوبل  وارمنگ  ءُ موسمی  مٹ ءُ بدلی  ءَ چہ گلیشئرز  آماچ بوھگ ءَ انت۔ گلوبل   وارمنگ ءُ موسمی  مٹ ءُبدلی  ، آپ ءِ کمیگ  ءِ سبب ءَ بوھگ ءَ انت،  ماحولیاتی  جیڈھ آں گوں گر ءُ چیل بوھگ  ءِ واستہ،   نیگیٹیو رند  پد   آناں کمک  کنگ ءِ واستہ میاں اوستمانی کمک  پکار   انت۔  صدر ءَ گوشت کہ پاکستان لکھانی  ہیکڑرز  ءِ سر ءَ مینگر  و جنگلات جتگ۔  مینگرووز ءَ چہ پاکستان  ءَ را کاربن  کریڈٹ  در جنگ، ماحولیاتی رکھینگ  ءَ کمک  رسیت۔