تجارت   ءُ کاروبار  ءِ تہءَ آسانی پیداک کنگ ءِھوالگءَ پالیسی   جوڑ  کنان ءَ پرائیویٹ شوبگ آں گوں  شور ءُ مشور   کنگ ءَ دل  یکیمی جوڑ کنگ ،  مزن وزیر ءِ   پنت ءُ شون

اسلام آباد۔10مئی  (اے پی پی): مزن وزیر محمد شہباز شریف  ءَ ملکی برآمدای  چیز آنی   گیشی    ءِ واستہ زوتیں  گامگیج    کنگ ءِ پنت ءُ شون  کنان ءَ گوشتگ کہ  تجارتے   ءُ کاروبار  ءَ آسانی  پیداک کنگ ءِ   ھوالگ ءَ پالیشی  جوڑ   کنان ءَ جندی  شوبگ  آں   گوں   شور ءُ مشور    ءَ را  دل یکیمی  جوڑ   کنگ بہ بیت۔ آدینگ ءِ روچ ءَ  مزن وزیر کارگس   ءِ  میڈیا ونگ  ءِ نیمگ ءَ جاڑی بوتگیں  بیان ءِ رد ءَ مزن وزیر ءِ سروکی ءَتجارت    ءِ شوبگ ءِ ھوالگ ءَ  گوں   ارزشتی ایں دیوان   مزن وزیر کارگس ءَ   برجم   بوت۔  دیوان ءَ بنجاھی وزیر  تجارت  جام کمال خان،  بنجاھی وزیر ھزانگ    محمد اورنگزیب  ،  وزیر ءِ پٹرولیم مصدق  ملک،  وزیر ءِ اقتصادی  کار احد کان چیمہ،  ڈپٹی  چیئرمین   پلاننگ  کمیشن    جہانزیب خان ، گورنر اسٹیٹ بینک  ءُ سیادی  داروکیں  ٹوھیں سرکاری  اپسرگ   آں بھر زوری  کت۔