نو مئی ءِ وئیل ریاست ءُ آئیءِ ادارگانی حلاپءَ بغاوتے بوتگ، اُرشانی  مولءُ مراد جمہوریت ءِ ہلاسی، آئینءِ لگت مالی ءُ یک  مردمے ءِ بادشاہیءُ آمریت جوڑ کنگءِ منصوبگے بوتگ، مزن وزیر محمد شہباز شریف

اسلام آباد۔9مئی  (اے پی پی): مزن وزیر محمد شہباز شریف ءَ 9 مئی ءِ وئیلاناں ریاستءُ آئیءِ ادارگانی حلاپ ءَ بغاوت لیک اِتگ ءُ گشتگ کہ 9 مئی پاکستان ء ِ راج دپترءِ سیاہ تریں روچ بوتگ، 9 مئی ءِ وئیلء ِ مولء ُ مراد جمہوریتءِ ہلاسی، آئین ءِ لگت مالیءُ یک مردمے ءِ بادشاہی ءُ آمریت جوڑ کنگءِ منصوبہ بوتگ، جیڑگءِ گپ اِش اِنت کہ یک سالے گوازگءَ پد ہم نو مئی ءِ کُتاکاراناں تاں انگت سزا نہ رستگ، ملکءِ حلاپءَ  پندل سازوکانی دیم پدّر بوتگ اَنت، سرجمیں راجءَ را یکوئیءُ جزم ءِ گوما اے کلوہءَ دئیاں کہ وتی شہید، بامرد ءُ آیانی حانداناں دائم یات کنگ بیت۔ اے ھیالانی درشانی آئیءَ پنچ شمبےءِ روچءَ بنجاہی کابینہ ءِ حاسیں دیوان ءَگوں تران  کنان ءَ کتگ۔ مزن وزیرءَ گشتگ کہ 9 مئی پاکستان ءِ راج دپترءِ سیاہ تریں روچ بوتگ۔ آئی ءَ گشتگ کہ مئی ءِ وئیلاں ریاست ، پاکستانءِ فوج ءُ پاک فوج ءِ راہشون جنرل عاصم منیر ءِ حلاپءَ بغاوت کنگ بوتگ۔ آئیءَ گشتگ کہ اے ایوان راج ایگ اِنت ءُ اے شمئے حکانی درشانی ءِ بنجاہ اِنت۔ آئی ءَ گشتگ کہ مئی 2023 ءَ پی ڈی ایم ءِ حکومت پاکستان ءَ را رکینگءِ کوشستءَ کنگءَ بوتگ۔ اگاں پی ڈی ایم ءِ حکومت خانہ کعبہ ءِ ماڈل والا گھڑیال ، سھتءُ زیور ءُ زمینانی بہا ء ُ سیم کنگءُ کرپشن ءِ  نوٹس مہ زُرتیں گڑا 9 مئی 2023ءَ بوت کنت اے اُرش کنگ مہ بوتیناں۔ کانودءِ بنجاہی وزیر نذیر تارڑ ءَ گشتگ کہ ملک آنی راج دپتر ءَ 9 مئی وڑیں  وئیل منگ نہ بنت۔ ملکی معیشت ءَ را سہارہ دیئگءِ ھاترءَ محکمی المی اِنت۔ 5 جنوری 2024 ءَ ادارکی کابینہ ءَ 9 مئی ءِ وئیلءِ ہوالگءَ کابینہءِ یک چیردستیں کمیٹی جوڑ کتگ۔ آئیءِ ٹی او آرءِ تہا اے چیز ہوار بوتگ کہ 9 مئی ءِ وئیل ءِ  بابتءَ جستءُ پُرس کنگ بہ بیت۔ اے ہوالگءَ کمیٹی ءَ اے وئیلانی زمہ وار ی پی  ٹی آئی ءِ سروک ءِ سرءَ داتگ۔ ءُ رپورٹ پیش کتگ۔ ایشی ءَ ابید کانود جوڑ کنگءِ ہوالگءَ ہم گامگیج ءَ را رپورٹءِ بہر جوڑ کتگ۔ اے رپورٹءِ تہا سرجمیں راستیانی گوما سبب آنی ہم چارءُ تپاسی کنگ بوتگ۔