نو مئی ءِ وئیلانی ثبوت آمید گسءِ دیما اَنت، کیس آناں آسرءَ سرکنگ بہ بیت، حال ءُ اھیوال کاریءِ بنجاہی وزیر عطاء اللہ تارڑءِ پریس کانفرنس

اسلام آباد۔9مئی  (اے پی پی): حالءُ اھیوال کاریءِ بنجاہی وزیر عطاء اللہ تارڑ ءَ گشتگ کہ نو مئی ءِ وئیلانی ثبوت آمید گس ءِ دیما اَنت، آمید گس نو مئی ءِ کیس آناں آسرءَ سر بہ کنت۔ پنچ شمبےءِ روچءَ پی ٹی وی  ہیڈ کوارٹرز ءَ دیمپانی ءِ وزیر خواجہ محمدآصف ءِ ہمراہی ءَ پریس کافرنسءِ تہا صحافی ءِ جستءِ پسوءَ بنجاہی وزیر ءَ گشتگ کہ 9 مئی ءِ وئیلانی ثبوت آمید گسءِ دیما اَنت، اُرش کنوک پجّارگ بوتگ اَنت ءُ اے گپ دیما اَتکگ کہ کئے ماڑی ءِ تہا پُترتگ ءُ کئے ڈنءَ اوشتاتگءُ پرماتگ اِت۔ آئیءَ گشتگ کہ پی ٹی آئی ءِ بانی چیئرمین ءِ باز عزتءَ کناں، آئیءِ سئیں گہار  اُرشءِ وہدءَ آھودہ ساڑی بوتگ اَنت  بلے  آیانی سرءَ مقدمہ درج کنگ نہ بوتگ۔ آئی ءَ گشتگ کہ آمید گسءَ چہ دزبندی کناں کہ 9 مئی ءِ کیساناں آسرءَ سربہ کنت۔ یک دگہ جستے ءِپسو ءَ بنجاہی وزیرءَ گشتگ کہ ما بندی جاہ آنی سختی سگ اِتگ، تحریک انصاف ءِ دورءَ سیاسی راہشونءُ کارکنوکانی گوما بندی جاہ آنی  تہا نارواہ کار کتگ، آ دورءَ بندی جاہءِ  حکام ءَ را  گشگ بوتگ کہ بندی جاہ آں بند مسلم لیگ(ن) ءِ رہشون آناں دسمبرءِ ترندیں سرتیءَ  فرشءِ سرءَ نندگءَ مجبور کنگ بہ بیت، آیاناں کرشی ءُ سرجاہ ہم دیئگ  نہ بوتگ ، وہدے کہ پی ٹی آئی ءِ سروک ءَ را  ورزش ءِ ھاترءَ سائیکل ءُ واکنگ گیلری دیئگ بوتگ  ءُ ورگءَ گِسی مُرگ دئیگ بوہگءَ اِنت۔