ازبکستان  ءِ گوما  جتا جتائیں شوبگ آنی  تہ ءَ دو  نیمگی کمک آناں گیش  شاھیگانی کنگ ءِ ضلورت انت، ملک ءِ مستر  آصف علی زرداری

اسلام آباد۔9مئی  (اے پی پی):صدر مملکت آصف علی زرداری  ءَ گوں ازبکستان ءِ وزیر ءِ درئی کار بختیار سید وف  ءَ  گند ءُ نند کت ایشیءِ اندر ءَ  صدر  مملکتءَ دوئیں ملک آناں گیش  نزیک آرگ ءِ واستہ السی ءُ سیلءُ سوادی  رابطہ گیش دیمروئی دیگ ءِ  ضلورت  ءِ  بابت ءَ زور  پر دات۔  ایوان  ءِ صدر ءِ پریس  ونگ ءِ رد ءَ گند ءُ نند ءِ ساھت ءَ صدر   مملکت آصف علی  زرداری ءَ گوشتگ کہ ازبکستان ءِ گوما  تجارت، معیشت  ،  دود ءُربیدگ ءُ سیلءُ سواد ءِ  شوبگ ءَ  دو نیمگی  کمک آناں گیش شاھیگانی دیگ ءِ ضلورت  انت۔ پاکستان براتیں ملک   ازبکستان ءِ گوما  یکوئی آناں ارزشت دنت۔  آئی ءَ گوشتگ کہ پاک  ازبک یکوئی  کرنانی  انت ءُ ایش  یکجائی  نیک راھ،  دود ءُ ربیدگ  ءُ تاریخی   ردءَ انت،  دوئیں  ملک  آنی نیام ءَ  دو نیمگی تجارتی  ءُ اقتصادی  یکوئی آناں ودینگ  ءِ ازمکاری است انت۔  پاکستان  دمگی رابطہ  آنی دیمروئی ءِ  واستہ  جزمیگ انت۔  نیامی ایشیائی  ملک  پاکستان ءِ جغرافیائی   سیم  سر آں چہ سیت مند بہ بنت۔  صدر  ءَ پاکستان  ءُ ازبکستان  ءِ نیام ءَ دو نیمگی   تجارت   آناں ودینگ  ءِ واستہ بارٹر ٹریڈ ، ھندی کرنسی ءِ کارمرزی، تجارتی یکوئی آناں  گہتر  جوڑ کنگ ءِ واستہ  دوئیں ملک    آنی  توک  ءَ  بینک پچ کنگ ءِ شور ءُ مشور  دات۔