9مئی تاریخ ءِ سیاہ تریں روچ انت، سیاسیءُ زاتی  سیت آنی ھاترا  9 مئی   ءَ ھما کار کنگ بوتگ کہ ایش اچبر ملک ءِ دژمن ءَ  ھم نہ کتگ،  بنجاھی وزیر اھوالکاری  عطاء اللہ تارڑ ءِ  میڈیا ءَ  گوں تران

اسلام آباد۔9مئی  (اے پی پی): بنجاھی وزیر  اھوالکاری ءُ شنگ کاری عطاء اللہ  تارڑ ءَ گوشتگ کہ  9 مئی   تاریخ ءِ سیاہ تریں روچ انت،  سیاسی ءُ زاتی سیت آنی ھاترا  9 مئی  ءَ  ارچی کنگ بوتگ ایش  اچبر ملک ءِ دژمن ءَ ھم نہ کتگ۔  پنچ شمبے ءِ روچ ءَ   ادا میڈیا  ءَ گوں تران کنان ءَ  کت  بنجاھی وزیر اھوالکاری ءَ گوشتگ کہ  9مئی  ءِ واکیہ  سکیں ڈکھ ءُ  گم جتی  واکیہ ات  ایشی ءِ  مذمت ءِھاترا  ھاسیں دیوان ءِ  گوانک جتگ۔ دیوان ءَ  پیپلز پارٹی ،  آئی پی پی،  نیشنل پارٹی  ءَ را ھم ھاسیں رنگ ءَ  دلگوش   کنگ بوتگ،  توامیں  اتحادی  گل  آنی نماھندگی  بیت۔  آئی ءَ  گوشت کہ  ھاسیں دیوان ء َ  9 مئی ءِ ھوالگ  ءَ  منوگری  پیش  کنگ بیت۔  وزارت ءِ کانود ءِ نیمگ ءَ چہ  وائٹ پیپر ھم  پیش  کنگ بیت۔  یک جستے ءِ پسو ءَ  بنجاھی وزیر  اھوالکاری  ءَ گوشت کہ  پی ٹی آئیءِ  جوڑیشتکار  ءَ را  آسودگ   کتگ ۔ آئی ءَ را  باز ریایت داتگ۔   آئی ءَ گوشت کہ منی  جست انت کہ  9 مئی ءِ کیس  آنی پیسلہ چیا کنگ نہ بوھگ ءَ انت،   وزارت ءِ کانود ءِ نیمگ ءَ چہ وائٹ  پیپر  ھم پیش  کنگ بیت۔ یک جستے ءِ پسو ءَ   بنجاھیو زیر ءَ گوشت کہ  پی ٹی آئی ءِ  جوڑیشتکار   ءَ را  باز ریایت داتگ،  آئی  ءِ گہار زتک ءُ  عظمیٰ خان ، علیمہ خان ءُ نورین خان  ھم 9 مئی  ءِواکیہ  ءَ  گوں دست مانجن اِنت۔ ایشاناں چیا ریایت دیگ بوتگ۔ آئیءَ گوشت کہ  منی سوال  اِنت  کہ 9 مئی  ءِکیس   آنی پیسلہ چیا کنگ نہ بوھگ ءَ اِنت۔   چیا اے کیس ءَ را  گڈی  آپ سر اں سر  کنگ  نہ بوھگ ءَ اِنت۔