9 مئی ءِ واکیہ  ءَ گوں دست مانجنیں  مردم،  آسراتی  دیوک  ءُ پمپ کنوک آناں اچ رنگیں معافی نہ رسئیت، مزن وزیر  ءِ ٹویٹ

اسلام آباد۔9مئی  (اے پی پی): مزن وزیر  محمد شہباز شریف ءَ گوشتگ کہ  یک سالے پیسر مئے راجی   شرپ ءُ ازت  ءِ چیدگ  ءُ پاک وطن  ءِ  شرپ  ءِ سر ءَ ارش  کنگ بوتگ،  9 مئی ءِ واکیہ ءَ گوں دست مانجنیں  ناشرکار، آسراتی   دیوک  ءُ پمپ کنوک آنی واستہ  اچ رنگیں معافی نیست انت۔  پنچ شمبے  ءِ روچ ءَ  چاگردی نزیکی ءِ  ویب سائٹ  ایکس ءِ سر ءَ ٹویٹ ءَ مزن وزیر ءَ گوشت کہ  دروگ  ءِ پوشاک   ءَ  راستی  ءَ را چیر دیگ بوت نہ کنت۔   مرچی ءَ چہ یک سالے پیسر ناں ایوک ءَ مئے راجی شرپ ءُ ازت ءِ چیدگ آنی سر ءَ ارش کنگ بوتگ۔ اے ارش پاک وطن  ءِ شرپءَ را  لگت مال  کنگءِ  برابر ءَ انت۔  آئی ءَ گوشت کہ ارچی کہ 9 مئیءَ بوتگ ایش اچ وڑ ءَ  سگ ءُ اوپار کنگ نہ بیت۔  اے رد ءَ اچ رنگیں  نرمی کنگ نہ  بیت،  9  مئی ءِ واکیہ  ءَ گوں دست مانجنیں ناشرکار،  آسراتی  دیوک ءُ  پمپ  کنوک آنی واستہ  اچ رنگیں معافی  نیست۔ مزن وزیر ءَ گوشت کہ  بیا اِت قول کناں  کہ  9 مئی  ءَ دگہ اچبر  وتار   ءُ پدا بوھگ ءَنئیلاں۔