سرجمیں دگنیا ءِ نگاہ مزن وزیر شہباز شریف  ءِ آیوکیں چین ءِ تر  ءُ تاب  ءِ سر ءَ ایر اَنت،  بنجاھی وزیر اھوالکاری  عطاء اللہ تارڑ ءِ چینی سفیر ءَ گوں تران

اسلام آباد۔9مئی  (اے پی پی): بنجاھی وزیر اھوالکاری ءُ شنگ کاری  عطاء اللہ تارڑ ءَ گوشتگ کہ سرجمیں دگنیا ءِ نگاہ مزن وزیر شہباز شریف  ءِ آیوکیں چین ءِ تر ءُ تاب ءِ سر ءَ ایر اَنت،  چین  پاکستان  ءِ درستاں چہ مستریں  تجارتی  شریکدار اِنت، سی پیک ءِ بدولت  ءَ چینی  سامان  آنی پاکستان ءُ پاکستانی  سامان آنی چین ءِ مارکیٹ   آں تاں رسائی  ءِ تہ ءَ گیشی بوتگ انت۔ اے گپ آئیءَ پاکستان  ءَ چینی  سفیر جیانگ ژائی ڈانگ ءَ گوں گند ءُ نند ءِ ساھت ءَ تران کنان ءَ کت اَنت۔  اے موہءَ پاک چین  یکوئی، سی پیک، پاکستانی  معیشت ءِ برجائیءِ واستہ  حکومتی گامگیج  آں ھوار ایندگر  ارزشتی ایں کار آنی بابت ءَ  ھیال ریچی  کنگ بوت۔ گند ءُ نند ءَ مزن وزیر  شہباز شریف  ءِ آیوکیں  چین ءِ تر ءُ تاب  ءِ ھوالگ ءَ  ھم سرجمیں باست ءُ واست  بوت۔