اسلام آباد۔ 08 مئی (اے پی پی) انفارمیشن سروس گروپ نا تربیت اٹی ورنا آفیسر(پروبیشنر) آک چارشنبے نا دے آ داڑے ایسوسی ایٹڈ پریس آف پاکستان(اے پی پی) نا دورہ ءِ کریر ہراڑے اوفتے قومی خبر رساں ادارہ نا کسبی امور کار نا بارواٹی حوال تننگا۔ انفارمیشن سروس اکیڈمی نا ایگزیکٹیو ڈائریکٹر جنرل ارشد منیر نا کماشی ٹی پروبیشنر آتا دورہ 41می خصوصی ہیلکاری پروگرام نا بشخ ئس ہرانا مسخت وزارت حوالکاری و شینکاری نا چندی ادارہ و ملحقہ محکمہ غاتا بارواٹی آگاہی ودی کننگ ئس۔ داوخت آ ”اے پی پی” نا منیجنگ ڈائریکٹر محمد عاصم کھچی پک و مستند خبرآتا فراوانی تون اوار اوارقومی فائدہ غاتیٹی مثبت بیانیہ نا ٹہیفنگ اٹی اے پی پی اسہ متحرک خبررساں ادارہ سے نا وڑاٹ مون آ ہِننگ ءِ ہراٹی ملٹی میڈیا نیوز، فوٹو و ویڈیو سروس آتون اوار ٹیکسٹ سروس آتیا چکار کننگ تون اوار اوار پوسکن آ دور انا خواست آتا رداٹ ڈیجیٹل و سوشل میڈیا پلیٹ فارم آتے ودفنگ و نمان اہمیت تننگ انگ ءِ۔ داکان مست ایگزیکٹیو ڈائریکٹر اے پی پی عدنان اکرم باجوہ اے پی پی نا کاریم نا بارواٹی سرجم پریزنٹیشن تس ہراٹی چندی بولی تیٹی نیوز آپریشن، ہندی کہول آ نامہ نگار آتا نیٹ ورک و ایلو ملک آتون ادارہ نا خبر آتا ہڷ و تس نا معاہدہ غاتا بارواٹی حوال اوار ئس۔ پروبیشنرآک سینٹرل نیوز ڈیسک، جنرل رپورٹنگ، فارن ڈیسک، اکنامک ڈیسک، مانیٹرنگ سیکشن، اردو نیوز سروس، ویڈیو نیوز سروس، سوشل میڈیا سیکشن، ڈیٹا سینٹر و سٹوڈیوز نا دورہ ءِ کریر۔ دا وخت آ ڈائریکٹر نیوز اے پی پی شمائلہ عندلیب، ڈائریکٹر اردو نیوز سروس عبدالجبار زکریا، ڈائریکٹر ویڈیو نیوز سروس رب نواز باجوہ، ڈائریکٹر ٹریننگ کاشف رضوی و ڈائریکٹر انفارمیشن ٹیکنالوجی عدنان بخاری ئسک تینا تینا سیکشن تا کاریم نا بارواٹی حوال تسر۔
