مزن وزیر  شہباز  شریف ءَ گوں  ازبکستان ءِ  وزیر  درئی  کار ءَ گوں گند  ءُ نند،  تجارت،  معیشت ، سیکورٹی ، دیمپانی ،  چاگردی  رابطہ ءُ ایندگر  شوبگ   آنی تہءَ کمک    ءَ را  ودینگ  ءِ    بابت ءَ ھیال ریچی

اسلام آباد۔8مئی  (اے پی پی): مزن وزیر محمد  شہباز شریف  ءَ گوں ازبکستان  ءِ وزیر  ءِ  درئی کار بختیار  سید وف  ءَ  گوں  گند ءُ نند   کت ایشی ءِ اندر  ءَ  تجارت، معیشت ، سیکورٹی ، دیمپانی ،  چاگردی  رابطہ ءُ ایندگر  شوبگ آنی تہءَ  وت  مہ وتی  کمک آناں ودینگ  ءِ  ھوالگ ءَ   ھیال ریچی  کنگ بوت۔   چار شمبے  ءَ   مزن  وزیر کارگس  ءِ  میڈیا ونگ  ءِ  نیمگ  ءَ جاڑی بوتگیں  بیان  ءِ رد ءَ  گند ءُ نند    ءَ مزن وزیر ءِ  سیٹ ءَ دومی رند ءَ  گچین بوھگ ءِ پد ءَ مبارکی  دیان ءَ ازبک  وزیر ءِ درئی کار ءَ ازبکستان  ءِ صدر شوکت  مرزیوئیف ءِ  نیمگ ءَ چہ  مزن وزیر  محمد شہباز شریف  ءَ را  ازبکستان  ءِ  تر ءُ تاب   ءِ دعوت  دات۔