سعودی عرب اٹی رہینگوک درملکی تا زر راہی تس اٹی مارچ اٹی ودکی

ریاض۔ 08 مئی (اے پی پی) سعودی عرب نا سینٹرل بینک (ساما) پارینے کہ مارچ 2024 اٹی مملکت اٹی رہینگوک درملکی تا کنڈآن زرراہی تس اٹی چار درسد ودکی مسنے۔ اردونیوز سعودی سینٹرل بینک انا حوال نا حوالہ ءِ ترسا پارے کہ تدوک آ سال مارچ اٹی 11.5 ارب ریال نا مقابلہ ٹی داسال مارچ اٹی زرراہی تس 11.9 ارب ریال اسکان سرمسنے۔ درملکی تا زر راہی تس اٹی فروری 2024 نا مقابلہ ٹی مارچ اٹی 28 درسد یعنی کم و ود 2.6 ارب ریال ودکی ریکارڈ کننگا۔ داکان بیدس سعودی شاری تا پیشن نا ملک آن زرراہی تس تدوک آ سال مارچ 2023 نا مقابلہ ٹی برجاسال مارچ اٹی 9 درسد کم یعنی 5.12 ارب ریال رہینگانے۔