اے این ایف نا کارروائی، تعلیمی ادارہ غاتیٹی منشیات نا سپلائی ٹی اوار زالبول اسے تون اوار 2 دوبہ دار دزگیر

راولپنڈی۔ 08 مئی (اے پی پی) اینٹی نارکوٹکس فورس (اے این ایف) تعلیمی ادارہ غاتیٹی منشیات نا سپلائی ٹی اوار زالبول اسے تون اوار 2 دوبہ دارآتے دزگیرکرے۔ اے این ایف ہیڈکوارٹرراولپنڈی آن جاری بیان نا رداٹ دوبہ دار اسلام آباد نا اسہ بھلوتعلیمی ادارہ سے ٹی منشیات سپلائی کریرہ۔ اودیم حوال ملنگ آ کارروائی ٹی زالبول اسے تعلیمی ادارہ نا گیٹ آن دزگیرکرسا منشیات دوئی کننگا۔ زالبول تون دزگیر دوبہ دار تعلیمی ادارہ نا کینٹین اٹی ملازمت کیک۔ دزگیر دوبہ دار نا کمرہ نا پٹنگ اٹی چرس، افیم و آئس نا پین ٹوکن دوئی مس۔ جاست وپاست نارداٹ دوبہ دار پشاور آن منشیات اسمگل کرسا دوبہ داراسکان سرکریکہ۔ دوبہ دارآک یونیورسٹی نا طالب علم آتے منشیات بہاکننگ نا انکشاف کرینے۔ دزگیر دوبہ دار نا تعلق نوشہرہ وخت اس کہ دوبہ دار نا تعلق مانسہرہ غان ءِ۔ ترجمان پارے کہ دوبہ دار آتا برخلاف انسدادِ منشیات ایکٹ نا رداٹ مقدمہ نوشتہ کرسا مستی جاست وپاست نا بنا ءِ کننگانے۔