زرمبادلہ نا ملکی کوڑی تیٹی برجامالی سال انا بناآن ہلیس داتم اسکان 4.156 ارب ڈالر نا نمان ودکی ریکارڈ

اسلام آباد۔ 08 مئی (اے پی پی) زرمبادلہ نا ملکی کوڑی تیٹی برجامالی سال انا بناآن ہلیس داتم اسکان 4.156 ارب ڈالر نا نمان ودکی ریکارڈ کننگانے۔ اسٹیٹ بینک انا کنڈآن جاری کروک حساب وکتاب نا رداٹ 30 جون 2023 آ ملکی زرمبادلہ نا کوڑی تا کچ 9.160 ارب ڈالر ئسر ہرافتے ٹی اسٹیٹ بینک اتون زرمبادلہ نا کوڑی تا کچ 4.443 ارب ڈالر و بینک آتون زرمبادلہ نا کوڑی تا کچ 4.715 ارب ڈالر ئسر۔ 25 اپریل 2024 آ ملکی زرمبادلہ نا کوڑی تا کچ 13.316 ارب ڈالر ریکارڈ کننگا ہرافتے ٹی اسٹیٹ بینک اتون کوڑی تا کچ 8.006 ارب ڈالر و بینک آتون زرمبادلہ نا کوڑی تا کچ 5.310 ارب ڈالر ریکارڈ کننگا۔ برجامالی سال انابناآن ہلیس داتم اسکان اسٹیٹ بینک انا زرمبادلہ نا کوڑی تا کچ اٹی 3.561 ارب ڈالر و بینک آتا زرمبادلہ نا کوڑی تیٹی 595 ملین ڈالر نا ودکی ریکارڈ کننگانے۔ یات سلے کہ داٹی جہانی مالیاتی فنڈ انا کنڈآن سٹینڈ بائی معاہدہ نا رداٹ 1.1 ارب ڈالر نا قسط اوار اف۔