وزیرداخلہ نا پرمان آ گارڈن ٹاؤن لاہور و السی مرکز کراچی نا پاسپورٹ آفس 25 گھنٹہ ملوک مریرہ، محسن نقوی

اسلام آباد۔ 08 مئی (اے پی پی) بنجائی وزیر داخلہ محسن نقوی نا پرمان تیا الس نا آسراتی کن گارڈن ٹاؤن لاہور و السی مرکز کراچی نا پاسپورٹ دفتر ہفتہ نا ہفت می دے و 24 گھنٹہ ملوک مریرہ۔ ڈائریکٹوریٹ جنرل امیگریشن اینڈ پاسپورٹس دارداٹ نوٹیفکیشن جاری کرینے۔ وزارت داخلہ نا کنڈآن جاری بیان نا رداٹ بنجائی وزیر داخلہ محسن نقوی بیرہ 72 گھنٹہ ٹی قول ءِ پورو کرسا نشان تس ہراٹی لاہور و کراچی نا الس ءِ بھلو ریلیف اس ملانے۔ لاہور و کراچی ٹی اِرا پاسپورٹ آفس ہفتہ نا ہفت می دے و 24 گھنٹہ اوپن کننگانو۔ اوفتے ٹی گارڈن ٹاؤن لاہور و السی مرکز کراچی نا پاسپورٹ آفس اوار ءُ۔ بنجائی وزیر داخلہ محسن نقوی پارے کہ دا گام آن الس نا مشکل آتا ازالہ مریک ، کنا پورو کوشست ءِ کہ الس ءِ پاسپورٹ جوڑ کرفنگ اٹ مشکل پیش بف۔