بنجائی وزیر داخلہ نا فرنٹیئر کور نارتھ انا ہیڈکوارٹرنا دورہ ، اہم دیوان نا کماشیءِ کرے

کوئٹہ۔ 08 مئی (اے پی پی) بنجائی وزیر داخلہ محسن نقوی ہیڈکوارٹر نارتھ فرنٹیئر کور بلوچستان نا دورہ ءِ کرے۔ فرنٹیئر کور نارتھ انا آئی جی میجر جنرل امیر اجمل چوہدری بنجائی وزیر داخلہ محسن نقوی ءِ بخیرکرے۔ فرنٹیئر کورنارتھ نا چاق  وچوبند دستہ بنجائی وزیر ءِ سلامی تس۔ بنجائی وزیر داخلہ محسن نقوی یات گار شہید آتاحاضری تس، یات گار آ پھل تخاو دعاپاتیاکرے۔ بنجائی وزیر داخلہ محسن نقوی شہید آتا درجہ غاتا بڑزی کن دعاکرے۔ بنجائی وزیر داخلہ محسن نقوی شہید آتا قربانی تے خراج عقیدت پیش کرے۔ اومیوزیم نا دورہ ءِ کرے و تاریخی نوادرات آتیٹی بھاز است خواہی نا درشانی ءِ کرے۔ بنجائی وزیر داخلہ فرنٹیئر کور نارتھ نا پوسکن آ ازباب آتا ہم معائنہ ءِ کرے۔ بنجائی وزیر داخلہ نا کماشی ٹی فرنٹیئر کور نارتھ نا ہیڈکوارٹر اٹی اہم دیوان اس اڈہلک۔ اوبلوچستان اٹی امن کن فرنٹیئر کور نارتھ انا خذمت آتا ستاءِ کرے۔ اوپارے  کہ فرنٹیئر کور نارتھ بلوچستان اٹی امن کن ہراول دستہ نا کڑد ادا کرینے۔ فرنٹیئر کور نارتھ نا آفیسر و ورناتا کسبی مہارت و بہادری آ ناز ءِ۔ بلوچستان اٹی رہینگوک محب وطن پاکستانی ءُ۔ بلوچستان نا پائیدار شونداری پائیدار امن تون گنڈوک ءِ۔ بنجائی وزیر داخلہ محسن نقوی ءِ فرنٹیئر کور نارتھ نا کسبی کارکڑد نا بارواٹی حوال تننگا۔ بنجائی سیکرٹری داخلہ خرم آغاہم اوڑتون اوار ئس۔