سی پیک نا اولیکو ریسہ نا رداٹ 25 ارب ڈالر نا ڈٹ پاکستان اٹی پورو مننگ ءُ، بنجائی وزیر ڈٹ بندی احسن اقبال

بیجنگ۔ 08 مئی (اے پی پی) بنجائی وزیر ڈٹ بندی، شونداری و خصوصی گام گیج احسن اقبال پارینے کہ سی پیک نا اولیکو ریسہ نا رداٹ 25 ارب ڈالر نا ڈٹ پاکستان اٹی پورو مننگ ءُ، چین پاکستان نا تاریخی سنگت ءِ ہرامشکل وخت اٹی ننتون تفے۔ پلاننگ کمیشن نا کنڈآن جاری بیان نا رداٹ داخیال آتا درشانی ءِ او چین آ سرمننگ آن پد بیجنگ بالی پٹ آن خصوصی کلہو اٹی کرے۔ بنجائی وزیر ڈٹ بندی احسن اقبال و وزیراعظم نا خصوصی کمکار امور خارجہ طارق فاطمی نا بیجنگ بالی پٹ آ بننگ آ پاکستانی سفیر خلیل ہاشمی و چینی کمامدارآک اودے بخیرکریر۔ داپوسکن آ حکومت نا اقتدارا ٹی بننگ آن پد دا چین انا اولیکو بڑزکوکہولی دورہ ءِ۔ احسن اقبال پارے کہ چین پاکستان نا تاریخی سنگتءِ ہرا مشکل وخت اٹی ننتون تفے، سی پیک نا اولیکو ریسہ  نا رداٹ 25 ارب ڈالر نا ڈٹ پاکستان اٹی پورومننگ ءُ۔ اوپارے کہ اولیکو ریسہ ٹی توانائی و انفراسٹرکچر نا بشخ ءِ اپ گریڈ کننگا۔ سی پیک نا ارٹ میکو ریسہ ٹی کشت وکشار، صنعت، گرین توانائی و ٹیکنالوجی نا بشخ ءِ مون آ دننگک، دادورہ غان سینزدہ می جوائنٹ کوآپریشن کمیٹی میٹنگ نا ایجنڈا اس مرتب کننگ اٹ کمک رسینگک۔