اسلام آباد۔ 08 مئی (اے پی پی) بنجائی وزیر حوالکاری و شینکاری عطاء اللہ تارڑ ہالی ووڈ پروڈکشن ٹیم انا کنڈآن پاکستانی دودوربیدہ غا انٹرنیشنل فلم انا تیاری ءِ ستاکڑزوک گوندسا پارینے کہ پاکستان اسہ عظیم دودوربیدہ ئی میرات اسے نا حامل ملک اسے، ننا تاریخ ، ادب، سازوزیمل و فن مچ آ دنیا ٹی یکتا و سفت نا قابل ءِ، ہالی وڈ پروڈکشن ٹیم انا کنڈآن پاکستانی دودوربیدہ غا فلم دنیا ءِ پاکستان نا زیبائی و تنوع ہُننگ نا موقع فراوان کیک، پاکستان اٹ فلم اسٹ انگا صنعت ءِ ہرا ٹیکس فری ءِ۔ داہیت ءِ او ہالی ووڈ پروڈکشن ٹیم انا باسک آتون اوڑدہی ٹی گپ وتران کرسا پارے۔ اوڑدہی ٹی پاکستانی دودوربیدہ غا تالان فلم انا تیاری تون اوار ملک انا عظیم دودوربیدہ ئی میرات و تاریخ نا بابت گپ وتران مس۔ بنجائی وزیر حوالکاری ہالی ووڈ پروڈکشن ٹیم انا منت واری ءِ ہرفنگ خواوہ کہ او پاکستانی دودوربیدہ غا فلم انا تیاری نا گچین کاری ءِ کریر، دا ننا دودوربیدہ و مخلوق کن بھا ز بھلو اعزاز اسے۔ بنجائی وزیر پارے کہ پاکستان اسہ عظیم دودوربیدہ ئی میرات اسے نا حامل ملک اسے، ننا تاریخ ، ادب، سازوزیمل و فن مچ آ دنیا ٹی یکتا و سفت نا قابل ءِ، ننے یقین ءِ کہ دا فلم دنیا ءِ پاکستان نا زیبائی و تنوع ءِ ہُننگ نا پوسکن ءُ وارخواہی اس فراوان کیک۔ بنجائی وزیر حوالکاری ہالی ووڈ پروڈکشن ٹیم ءِ پاکستان اٹی فلم انڈسٹری کن کروک آ گام گیج آتیان معلومدار کرسا پارے کہ پاکستان اٹ فلم اسٹ انگا صنعت ءِ ہرا ٹیکس فری ءِ، شہباز شریف نا کماشی ٹی تدوک آ دور ءِ حکومت اٹ نن فلم پالیسی ءِ بحال کرین، فلم انا شعبہ ءِ انڈسٹری نا درجہ تسن تانکہ ورناتے دابشخ اٹی بننگ نا موقع ملنگ کے۔
