سی پیک نا ارٹ میکو ریسہ کن وزیراعظم نا گمانی دورہ  ءِ چین بھاز اہمیت تخک، ڈاکٹر حسن داؤد بٹ

اسلام آباد۔ 08 مئی (اے پی پی) چین پاکستان اقتصادی راہداری نا مسکوہی پروجیکٹ ڈائریکٹر ڈاکٹر حسن داؤد بٹ پارینے کہ چین پاکستان اقتصادی راہداری ڈٹ (سی پیک) نا ارٹ میکو ریسہ کن وزیراعظم نا گمانی دورہ ءِ چین بھاز اہمیت تخک ۔ چارشنبے نادے آاے پی پی تون خصوصی گپ وتران کرسا او پارے کہ دورہ ءِ چین آ ایم ایل ون اسہ اہم ایجنڈااس مریک، ایم ایل ون آ ننا مواصلات و واپار نا بشک آتیکن المی ءِ، ملکی شونداری کن ننے ہم اسہ وژن ءِ ہلسا چلینگوئی مریک، علاقائی کمک، تینا و رابطہ غاتا بابت پاکستان ڈیہہ اٹی اہم انگاملک ءِ، ننے ڈیہہ اٹی تینا جغرافیائی مرکزیت ءِ وارخواہی تیٹی بدل کننگ کن پبی ڈٹ بندی کروئی مریک ۔ اوپارے کہ وزیراعظم محمد شہباز شریف نا کماشی ٹی حکومت سی پیک ڈٹ آتے زوت پورو کننگ کن سنبرینگوک ءِ، خاص کر بلوچستان و گوادر اٹی ہرانا اسہ سٹریٹجک اہمیت اسے۔ اوپارےکہ 2017 آن 2018 اسکان سی پیک نا رداٹ پاکستان اٹی 25 ارب ڈالر نا زرکرای ہراڑآن پاکستان نا زرگزرانی حالیت اٹی گچینی بس۔ اوپارے کہ چین پاکستان اقتصادی راہداری ڈٹ انا رداٹ قابل تجدید توانائی نا بابت گام گیج کننگ انگءِ ہرانا دوررس نتیجہ دوئی مریک۔ اوپارے کہ چین اتون ٹیکنالوجی نا پڑاٹی پوسکن آ پروجیکٹ آتیا کاریم مننگءِ، وزیراعظم نا دورہ ءِ چین دا بابت اہمیت تخک۔ اوپارے کہ سی پیک فیزٹو نا رداٹ خصوصی اقتصادی زون تیٹی زرکاری ءِ ودفنگ کن پین پوسکن آ چینی کاروباری کمپنی تے مدعو کننگک۔