اسلام آباد۔ 08 مئی (اے پی پی) نائب وزیراعظم و وزیرخارجہ سینیٹر اسحاق ڈار و ازبکستان نا وزیرخارجہ بختیار سیدوف نانیام اٹ چارشنبے نا دے آ دفترخارجہ ٹی ون آن ون اوڑدہی مس۔ دفترخارجہ نا کنڈآن جاری بیان نا رداٹ نائب وزیراعظم سینیٹر اسحاق ڈار بختیار سیدوف ءِ پاکستان آ بننگ آبخیراٹ پارے۔ داوخت آ نائب وزیراعظم و وزیرخارجہ سینیٹر اسحاق ڈار پارے کہ ہڑتوم آملک آتا نیام اٹ سوگو دوستانہ تعلقداری ءِ۔ اوپارے کہ پاکستان ازبکستان تون واپار، اقتصادی پڑ اتون اوار چندی بشخ آتیٹی تعلقداری تے ودفنگ خواہک۔ ازبکستان نا وزیرخارجہ بختیارسیدوف داوخت آ گپ وتران کرساپارے کہ پاکستان آ بننگ اٹ بھاز خوشی مسنے، پاکستان ننکن اتینا اِرٹ میکو اُراغانبار ءِ۔ ازبک وزیر خارجہ پارے کہ پاکستان تون تعلقداری تے بھازاہمیت ایتنہ۔
