فوڈ اتھارٹی کمامدارآتا بلوچستان یونیورسٹی نا کینٹین نامعائنہ، سفائی نا خراب حالیت آتیا ڈنڈ بیٹ

کوئٹہ۔ 07 مئی (اے پی پی) بلوچستان فوڈ اتھارٹی نا انسپیکشن ٹیم ڈائریکٹر آپریشن نا پارت آ بلوچستان یونیورسٹی کوئٹہ ٹی جوڑ کینٹین  نا معائنہ ءِ کرے، معائنہ ٹی فوڈ سیفٹی ٹیمک سفائی نا خراب حالیت، میعاد آن زیات گڑا، کوکنگ ایریہ ٹی حشرات آتا مننگ، چائنیز بے انا کاریم اٹ اتنگ، ورکرآتا جند انا سفائی نا خراب حالیت، پراسیسنگ ایریہ غاتیٹی گندگی، بی ایف اے لائسنس نا مفننگ، خور اٹی نان فوڈ گریڈ کلرآتا کاریم اٹ اتنگ آ ڈنڈ بیٹ کریر و اصلاحی نوٹس جاری کریر۔ داکان بیدس حب شار اٹی بی ایف اے زونل انسپیکشن ٹیم موبائل لیب اتون اوار اسیجائی کارروائی کرسا 12 یونٹ آتا معائنہ  ءِ کرے، ہرافتیان 3 یونٹ آتے ڈنڈ وخت اس کہ 6 یونٹ آتے اصلاحی نوٹس جاری کننگا۔ بی ایف اے زونل فوڈ سیفٹی ٹیم انا رداٹ چندی ملک شاپ آتیان ملک سیمپل ہلسا موبائل لیب انا کمک اٹ موقع غا ٹیسٹ کننگا، پال اٹی دیر انا بھلو کچ اس اوار سوار کننگ آ ملک شاپ آتا مالک آتے ڈنڈ و چندی یونٹ آتے اصلاحی نوٹس جاری کننگا۔