لاہور ہائیکورٹ عون چوہدری نا سرسہبی نا برخلاف درخواست آ سماعت ءِ پدبٹے

لاہور۔ 07 مئی (اے پی پی) لاہور ہائیکورٹ قومی اسمبلی حلقہ این اے 128 آن بے سہب اومیتدار پنی آ کانود دان سلمان اکرم راجہ نا عون چوہدری نا سرسہبی نا برخلاف درخواست آ سماعت ءِ الیکشن کمیشن نا وکیل نا ساڑی مفننگ آ 15 مئی اسکان پدبٹے۔ عدالت بروک آ سماعت آ فریق آتا وکیل آتے بٹنگا۔ جسٹس علی باقر نجفی سلمان اکرم راجہ نا این اے 128 آن سرسہب اومیتدار عون چوہدری نا الیکشن کمیشن نا فیصلہ نا برخلاف درخواست آ سے شنبے نادے آسماعت کرے۔ درخواست اٹی خواست کننگا کہ عدالت الیکشن کمیشن نا فیصلہ ءِ کالعدم گوندے و حلقہ این اے 128 آن عون چوہدری نا سرسہبی نا نوٹیفکیشن ءِ معطل کننگ نا پرمان جاری کے ۔