وزارت  کانود و انصاف جسٹس شوکت عزیزنا ریٹائرمنٹ نا باضابطہ نوٹیفکیشن جاری کرے

اسلام آباد۔ 07 مئی (اے پی پی) وزارت کانود و انصاف  جسٹس شوکت عزیز نا ریٹائرمنٹ نا باضابطہ نوٹیفکیشن ءِ جاری کرے۔ وزارت کانود و انصاف نا کنڈآن سے شنبے نادے آ جاری نوٹیفکیشن نارداٹ سپریم کورٹ آف پاکستان نا 22 مارچ انا فیصلہ  ءِ مون آ تخسا صدر مملکت آصف علی زرداری جسٹس شوکت عزیز نا ریٹائرمنٹ نا پرمان جاری کریسس ہراڑآ وزارت کانود جسٹس شوکت عزیز نا ریٹائرمنٹ نا باضابطہ نوٹیفکیشن جاری کرے۔ نوٹیفکیشن نا منظوری ءِ سپریم کورٹ نا 22 مارچ انا فیصلہ ءِ مون آتخسا تننگا۔ نوٹیفکیشن نا اطلاق جسٹس شوکت عزیز نا 30 جون 2021 آ ریٹائرمنٹ نا تاریخ آن مریک۔ یات سلے کہ برجاتُو انا بناٹی صدر آصف علی زرداری جسٹس شوکت عزیز نا ریٹائرمنٹ نا نوٹیفکیشن ءِ جاری کننگ نا منظوری ءِ تسوسس۔