وزیرداخلہ محسن نقوی نا کماشی ٹی ایف آئی اے لاہور زونل آفس اٹی اہم ءُ دیوان اس

لاہور۔ 07 مئی (اے پی پی) بنجائی وزیر داخلہ محسن نقوی نا کماشی ٹی ایف آئی اے لاہور زونل آفس اٹی اسہ اہم ءُ دیوان اس سے شنبے نادے آ اڈ ہلک۔ دیوان اٹی اووربلنگ و بجلی دُز آتا برخلاف کارروائی آ پیش رفت نا جاچ ءِ ہلنگا۔ بنجائی وزیر داخلہ تدوک آ دورہ ٹی تروک آ پارت آتیا پیش رفت نا جاچ ءِ ہم ہلک۔ داوخت آ ڈائریکٹر ایف آئی اے لاہور سرفرازورک حوال ہم تس۔ بنجائی وزیر داخلہ محسن  نقوی اووربلنگ و بجلی دُزی ءِ توننگ کن کریک ڈاؤن ءِ ترند کننگ نا پرمان کرساپارینے کہ اووربلنگ نا کمک اٹ شاری تیا بھاریم شاغوک آ آفیسر آتا برخلاف بے پرخ کارروائی ءِ برجاتخنگے وخت اس کہ اووربلنگ آ زیرو ٹالرنس پالیسی برجاسلک۔ محسن نقوی پارے کہ ڈسکوز نا نابودی و ڈیوالئی نا سزا شاری تے تننگ ءِ اسُل منپنہ۔ بجلی صارف آتے اووربلنگ اٹ ریلیف تننگ اولیت ءِ۔ بنجائی وزیر بجلی دُزآتا برخلاف  کارروائی ءِ برجاتخنگ نا پرمان کرسا پارے کہ بجلی دُزی ٹی اوار سرکاری عملہ نا برخلاف ہم بے پرخ ایکشن ہلنگے۔ ڈی جی ایف آئی اے اسحاق جہانگیر ویڈیولنک آ دیوان اٹی بشخ ہلک۔